St. Joseph (Na sempa) May 1

Misiangtho Joseph nasempa phawkna pawi pen 1955 kumin Pope Pius XII in a pat ahi hi. Misiangtho Joseph pen nasem mite belh Misiangtho in ki ciamteh hi. 
Misiangtho Joseph in khutsiam nasep sepna tawh innkuan a vakpa khat ahi hi. Amah in Nazareth khua ah Maria leh Topa Jesu te tawh om uh hi. Misiangtho Joseph ii lamlahna hangin Topa Jesu in nisim nasepna ii manphatna leh thadahin na sem lo-in om na ii siatna te mu hi. Laisiangtho sungah zong thadahna tawh kisai in “A thadah lohna dingin amah na sem sak in” (Sir 33: 28) ci-in ki gelh hi.
Misiangtho Paul in “Na a sem lo mi peuhmah in an ne kei hen” (2 Thess 3: 10) ci-in gen hi. Mi khempeuh in amah leh a innkuanpih te a huh/ avak na dingin Pasian piansakna nasepna sungah ki hel na dingin na i sep ding ahi hi. 
Thupha leh siangtho na ii phungpi I hih na dingin Misiangtho Benedict ii motto ahi, “Thungen kawmin nasem” a cih mah bangin I sep I bawlna te Pasian tungah I ap ding ahi hi. Pope Pius XII in 1955 kumin Misiangtho Joseph nasempa pawini pen nasemte ni tawh a ki tuak dingin a ciapteh ahi hi.