သင်္ကန်း​ပေးပွဲ ကျင်းပ (27.4.2024)

Rev. Robert Pau Gin Mung (Rector of Assumption Intermediate Seminary) ii vaihawm siamna tawh tuni (27.4.2024) ni zingsang nai (6:30AM) in Assumption Intermediate Seminary ah Sangnaupang te (4) Puantual Piakna ki nei hi.
Puantual Ngah SangnaupangTeng;
1. Bro. Andrew Cin Muan
Piang (Tonzang
Parish, Tongzang Myo)
2. Bro. David Pau Gin Tuang
(Tuithang Parish,
Tuithang Village)
3. Bro. Henry Kee Shing
Thang (C'u'hceh
Parish, Phui Village)
4. Bro. James Khai Dom
Mung (Suangpi Parish,
Suangpi Village) A hi uh hi.
Hih Puantual piakna pawi ah Siadawpa om thei lo ahih manin Msgr. John Deng Cin Khup in Missa Biakpiakna, Pasianthu tawh Kha-an vakna leh Puantual piakna te hong makaih in Siampi (14) leh thuzui mi vekpi gawm (300) kim kihel thei uh hi.
Hih Puantual angah te pen tu pan ki pan Tangval Siangtho (Brother) ci-in kisam ta ding hi.
A maute pen mai kha (May) kha sungin Maymyo National Philosophy Sangah laisin ki pan ta ding uh hi. Sangkah na ding a maban neih lai te uh pen
1. St. Joseph's Catholic Major
Seminary, Institute of
Philosophy, Maymyo ah
kum (2)
2. St. Michael Catholic Major
Seminary, Institute of
Spirituality, Taunggyi ah
kum (1)
3. St. Joseph's Catholic Major
Seminary, Institute of
Theology, Yangon ah kum
(4) cih bangin Sangkah lai
ding uh hi.
Siampi a suah theih nading un laisin ding hun kum (7) nei lai uh hi. Amaute in a mabante uh hoih takin zomzo in Siampi asuah zawh nangun thu ngetsak ciat ni.